BR LA UNION – Nagbalinen a Super Typhoon ti bagyo Francisco, segun iti Philippine Atmospheric, Geophysical and Astronomical Services Administration (Pagasa).
Maibasar iti kauddian a datus ti state weather bureau, alas 11:00 ita a rabii (June 22), naudi a nasaripatpatan ti sentro ti bagyo iti kaadayu a 440 km daya ti Tuguegarao City, Cagayan wenno 450 km daya ti Aparri, Cagayan.
Kabuyog ti kapigsa ti angin a 185 km/h asideg iti sentro ken kapegges a dumanon iti 230 km/h.
Agtultuloy a dup-dupagenna ti laud amianan a palaud iti kapartak a 15 km/h
Iti agdama, nakabayog ti Tropical Cyclone Wind Signal No. 1 idiay:
– Batanes
- – Northeastern portion ti Cagayan (Gonzaga, Santa Ana)
- – Eastern portion ti Babuyan Islands (Babuyan Is., Didicas Is., Camiguin Is.)
Maibasar iti forecast track ti PAGASA, nu agtultuloy a pumigsa ken pumaspas a palaud ti bagyo Francisco ket posible a maingato ti Tropical Cyclone Wind Signal (TCWS) No. 2 kadagiti apektado a lugar iti pungto ti Amianan a Luzon.
Nupay kasta, agtaltalinaed nga adayu iti kadagaan ti Pilipinas ken manamnama a rumwar iti Philippine Area of Responsibility inton Biyernes, June 26.
Kabayatanna, inton bigat (June 23) namnamaen a bumuntog ti bagyo sakbay nga agsikko nga agturong iti Rukyu Island idiay Southern Japan.
Nagpakdaar ti PAGASA kadagiti mangngalap ken amin nga aglaylayag iti Luzon nga agbalin a nadawel iti kabaybayan partikular iti eastern seaboards ti Batanes, Babuyan Islands, ken mainland Cagayan gaputi bagyo Francisco ken Southwest Monsoon.
