BR LA UNION – Agtultuloy a sapsapolen dagiti otoridad iti live-in partner ti babae a biktima a nasarakan iti uneg ti refrigerator idiay Rodriguez, Rizal.
Segun iti pulisiya, idi Setyembre 9 ket nag-inquire dagiti dua iti akinkukua ti apartment a ni Daniel Mangulad, tapno agabang da iti unit.
Iti dayta met laeng nga aldaw, nagbayad dagiti dua ket dagus nga immakar iti lugar.
Kalpasan ti maysa nga aldaw ket nagsubli ni Mangulad iti lugar tapno papirmaan ti kontrata, ngem awan ti sumungsungbat iti panagtuktokna.
Nagsubli manen idi Setyembre 11, ngem awan latta ti sumungsungbat; ngem idi Setyembre 15, nadlawna ti karkarna nga angot nga aggapu iti balay, isunga nagpatulong iti barangay.
Impagarupda nga adda iti nabati a karne a pakaigapuan ti angot, ngem idi nalukatan ti apartment, ket lalo a simmabat iti saan a nasayaat nga angot.
Nakigtotda langen idi linuktanda ti refrigerator ket natakuatanda ti bangkay ti babai, a naka-kukot ken adda tali iti tengngedna.
Segun kenni Rodriguez police chief PLtCol. Arwyn Gaffud, a mabalin a lima nga aldawen a natay iti biktima sakbay a nakita iti bangkay.
Mabalin a natay iti biktima babaen ti panangbekkel.
Agtultuloy a sapsapolen dagiiti otoridad iti lalaki a kadwa ti biktima a saanen a nakita iti lugar kalpasan ti insidente.
