BR LA UNION – Pormal a nagleppas idi kalman, Oktubre 4, iti Bacnotan Municipal Meet 2026 idiay Bacnotan Farmers’ Park and Civic Center iti sidong ti tema nga “One Bacnotan, One Spirit: Compete with Honor, Excel with Pride.”
Ditoy a nagtitipon dagiti agtutubo nga atleta manipud iti naduma-duma a pagadalan ti ili tapno ipakita ti laing da iti nadumaduma nga sports.
Nangrugi ti programa idi Sabado, Oktubre 3, babaen iti parada a nakipasetan dagiti agtutubo nga atleta, simmaruno ti dadduma pay nga aktibidad a kas ti Hoisting of Banners, Lighting of the Friendship Urn, Oath of Amateurism nga indauluan ni Batang Pinoy 2025 Gold Medalist Ma. Louisse Margharette Oredina, ken Oath of Technical Officials iti panangidaulo ni Municipal Sports Coordinator Champ Cargamento.
Naisayangkat pay ti Unity Dance ken ceremonial toss kas simbolo ti pormal a panangrugi ti kompetisyon.
Tarigagay ti Municipal Meet a maikkan dagiti agtutubo ti gundaway a maasa ti talento da, disiplina, sportsmanship bayat a masursuruan isuda a makikumpetensiYa nga addaan panagraem ken dayaw.
Agtultuloy a supsuportaran ti lokal a gobierno ti Bacnotan babaen kadagiti mangidadaulo a local officials, dagiti programa a mangipaay ti gundaway kadagiti agtutubo tapno mapabileg iti potensiyal da iti benneg ti dinnayo.
