Inbutaktak ti Philippine Drug Enforcement Agency (PDEA) a maysa a pulitiko manipud Mindanao iti maipagarop a nang-pondo iti flight ken naggandat a mangibagsak ti droga ditoy Pilipinas manipud Laos.
Ngem saan pay a dinakamat ti PDEA iti pakabigbigan ti pulitiko ken imbaga na laeng a nagbayad ti P3.5 bilyon para iti chartered private jet a mangiturong koma iti 521 kilograms a mataap a methamphetamine wenno shabu.
Nalapdan dagiti otoridad idiay Laos ti nasao a droga idiay Luang Prabang International Airport kalpasan a pinagkedkedan ti piloto ti nasao a private jet.
Naarestar ti suspek a ni alyas “Fajad” a maysa a Pinoy a mapapati a nangimet iti maatap nga iligal a droga.
Maysa pay a Pinoy iti binigbig ti PDEA a nangurnos ti flight iti nasao nga iligal a droga, ngem nakaruaren daytoy ti pagilian.
Nabigbig metten ti PDEA iti mastermind nga adda iti likod ti droga, a makunkuna a konektado iti Sam Gor drug syndicate a kangrunaan nga agiwar-waras ti iligal a droga iti Asia-Pacific.
