Mapalubosan dagiti soldado a makadua dagiti pamilia ken kabagianda ita nga holiday season, segun ti Philippine Army.
Inlawlawag ni Army Spokesperson Colonel Louie Dema Ala, nupay agtalinaed a naka-alerto iti National Army ti Pilipinas iti pakabuklan nga holding season kas suporta iti Philippine National Police (PNP), maipaayan ti gundaway dagiti suldado nga agrambak ti paskua kadua dagiti pamiliada.
Maysa kadagiti sistema a suroten ti army ket iti panangbingay kadagiti soldado nga agduty inton Paskua bayat a dagiti dadduma ket agduty inton Baro a Tawen.
Dagiti saan nga agduty ket mapalubosan nga agawid iti probinsiada iti ababa a panawen.
Segun kenni Dema Ala, kasapulan met a kadua dagiti soldado iti pamiliada ken marikna iti espiritu ti Paskua ken Baro a Tawen.
Adda dagiti mabati nga standby forces a nakasagana a mangsuporta iti aniaman a kasapulan wenno emergency situation.
Karaman ditoy iti deployable response team no adda dagiti didigra ken dadduma pay a national emergencies.#
