Agbalbalinen nga acidic la unay ti baybay ditoy intero a lubong tapno makasuporta iti marine life ken mapagtalinaed na iti klima.
Nakadetalye iti panagadal iti Potsdam Institute for Climate Impact Research (PIK) iti nine factors a crucial tapno ma-regulate iti biag ditoy planeta.
Kadagiti innem a factors, limmagpasen iti safe limit kas resulta metlaeng dagiti makadadael nga aramid ti tao.
Segun iti umuna a Planetary Health Check ti Potsdam Institute for Climate Impact Research, dakkel iti posibilidad nga ti ocean acidification ket agbalinen a maikapito a malagpasan tayo ti safe limit na.
Karaman kadagiti crucial boundaries a nasobraan ti tao ket dagiti: climate change; pannakapukaw dagiti natural species, natural habitat ken freshwater; Umad-ado nga pollutants wenno aniaman a makadadael iti masul-oy nga angin, plastics, kasta met dagiti chemical fertilisers a maar-aramat iti agrikultura.
Iti agdama ket nalagpasan payen iti sustainable level iti ocean acidification, resulta iti agnanayon a ngumatngato nga emissions iti carbon dioxide (CO2) a nagtaud babaen iti panaguram ti fossil fuels kas langis, coal ken gaas.
Kinuna ni Boris Sakschewski, maysa kadagiti lead authors ti panagadal nga bayat ti panagngato ti carbon dioxide emissions ket kaaduan kadagitoy ket mapmapan iti kabaybayan ti intero a lubong nga isu’t makagapo nu apay nga agtultuloy ti panagbalin na nga acidic.
Innayon na pay nga iti panaglabsing ti tao iti ocean acidification boundary ket narigaten a malapdan ken agbalin a problema iti amin inton masakbayan.
