BR LA UNION – Agtultuloy ti nainget kampanya dagiti otoridad ditoy La Union kontra illegal a droga.
Iti napalabas a lawas, ballaygi ti pannaka-arestar iti sumagmamano nga indibiduwal nga adda pakainaiganna ti maiparparit a droga, partikular dagiti high value target ken street level individuals.
Kinumpirma iti Bombo Radyo La Union babaen kenni Police Major Lawrence Ganuelas, Police Information Officer, ti pannaka-arestar iti tallo a drug suspect idiay Aringay ken Agoo, iti naisayangkat a nagsina nga anti-illegal drug operation.
Dagiti dua a drug suspect idiay Agoo ket nakumpiskaran ti nasurok P88-k a balor ti iligal a droga, uppat a short ken long firearms ken nasurok a 200 nga assorted ammunitions.
Segun kenni Ganuelas, maysa kadagiti suspek ket residente ti Baguio City bayat a ti maysa ket manipud Rosario, La Union.
