LA UNION – Kinumpirma ti infectious disease expert a ni Dr. Rontgene Solante a nakailista ti Pilipinas iti makapatay a bacterial infection nga streptococcal toxic shock syndrome (STSS) a nasaknap ita idiay Japan.
Segun kenni Dr. Solante, iti nasao a sakit ket gapwanan ti gagangay a bacteria a mangparnuay ti pharyngitis wenno panag-palteg ti pharynx, ngem possible nga agresulta iti saan a gagangay ken nakaru a komplikasyon nu daytoy ket agwaras iti pagay-ayusan ti dara.
Inlawlawag pay ti eksperto a mangrugi ti nasao nga impeksiyon iti kudil nga adda sugat na, sumrek ti mikrobyo ken agturong iti dara a mangapektar iti sistema iti intero a bagi, isunga maibilang kunana a narungsot iti nasao a bacteria ken napatak nga agwaras iti bagi.
Kinuna ni Solante, 30% iti mortality rate wenno kayatna sawen mabalin a matay iti uneg ti 24 nga oras iti maysa a na-impeksiyon nga indibidwal kalpasan a mangrugi a makita dagiti sintomas.
Dagiti sintomas ket panaggurigor, panagsakit iti bagbagi, pannakabannog, panag-bakwar, ken panag-ngisit iti sugat a mabalin nga agbanag iti nababa a blood pressure ken narigat a panaganges.
Dagiti masansan a makaptan iti nasao a sakit ket dagiti indibiduwal a nakapsot ti immune system na, kabilang dagiti nataengan ken addaan sakit a diabetes ken chronic renal failure.
Maibasar pay iti clinical experience, imbaga ni Dr. Solante a sumagmamano a kaso ti nasao a syndrome iti nadetect ditoy pagilian idinto nga idiay Japan ket umaboten ti 900 agingga 1,000 iti kaso gaputa napartak nga agwaras daytoy.
Balakad ti eksperto iti publiko nga agsuot ti face mask ken ugasan a naimbag dagiti sugat nu adda man bayat a dagiti makapadas ti sintomas ti nasao a sakit ket rumbeng a komunsulta iti doktor para iti pannakataming.
NATIONAL______
headline:NATIONAL______
headline:NATIONAL______
headline:NATIONAL______
headline:
BOMBO RAFAEL GALANO
HUMAN INTEREST>>>_
HEADLINE: Leech wenno linta, nasarakan iti agong ti maysa nga Indian
Maysa nga Indian,a ni Cecil Andre Gomes ti saan a makaegna gapu iti kanayon a panagdara ti agong na agingga a napanunot na ti mapan agpa-checkup iti doktor tapno maammuanna ti makagapu iti sakit na.
Nakigtot ti nangeksamen a doktor idi nakitana ti sibibiag a leech wenno linta iti uneg ti agong ni Gomes nga agus-usar iti maysa nga aparato.
Segun kenni Dr. Subhash Chandra Verma, ti panagsusop ti dara ti leech ti makagapu no apay a di agsarday ti panagpadara ti agong ni Gomes.
Mabalin a simrek ti leech iti agongna idi nagdigos isuna iti karayan. Kinuna ti doktor a pagimbaganna ta saan a nakadanon ti leech kadagiti kritikal a paset ti ulo ni Gomes kas kadagiti mata wenno utek – nupay manmano a mapasamak kasta.
Naikkat ti sibibiag a leech ken awan ti nadadael iti uneg ti agong ni Gomes.
Iti leech ket mabalin nga agbiag iti sumagmamano a lawas iti uneg ti bagi ti tao ken gagangay a sumrek iti bagi ti tao manipud iti pamilia a Praobdellidae a mangmangan kadagiti mucous membranes.
