LA UNION – Dakkel ti nagdumaan iti martial law nga improklama daydi sigud a Presidente Ferdinand E. Marcos ken iti martial law ita nga indeklara ni President Rodrigo Duterte.
Inlawlawag ni Atty. Gerry Cirilo, sigud a Labor Regional Director ken agdama a chairman ti People’s National Movement for Federalism, iti martial law nga improklama idi ni Marcos ket maibasar iti 1972 Constitution, nga isuna ket addaan ti bileg nga agaramid ti paglintegan ken mangipatungpal (the power to legislate and execute).
Kinuna ni Cirilo a na-abolish ngamin idi ti Kongreso.
Kabayatanna, iti martial law nga indeklara ni President Duterte idiay rehiyon ti Mindanao ket maibasar iti 1986 Constitution, ken adda metten iti kongreso a mangisuro iti seguridad dagiti umili.
Kagiddan daytoy, pinunas ni Cirilo iti panagamak dagiti umili maipapan iti saan a nasayaat nga epekto ti batas militar iti seguridad dagitoy.
