BR LA UNION – Inarestar iti nagtipon a puwersa dagiti otoridad iti panangidaulo ti Regional Police Drug Enforcement Unit One, agraman ti Santol ken Bacnotan Police Station, iti dua a babbaro gaputi maipagarop a panagilako ti iligal a droga.
Dagiti suspek ket nabigbig iti nagan a Jafet Bay-an, 24-anyos ken Michael Sadao, 21-anyos, agpada a residente ti Sitio Pisnadan, Brgy. Tubaday, Santol, La Union ken maibilang dagitoy nga High Value Individuals (HVIs).
Naipatungpal iti anti-illegal drug operation wenno buy-bust idiay Brgy. Paratong, Bacnotan, La Union, agarop alas 12:10 agingga alas 12:50 itay parbangon, January 8, 2025.
Kinumpiskar dagiti otoridad kadagiti suspek iti aganay 6 kilograms ti dried marijuana nga addaan ti Standard Drug Price a 720,000.00
Dagiti met nakumpiskar a non-drug evidence ket pakaibilangan ti genuine a kuwarta ken boodle money, dua nga smartphone, sling bag, power bank, maysa a dirt bike, ken dua nga helmet.
Nakabalud itan dagiti suspek ket manamnama a maidatagan ti maiyannatop a kaso.
