Nangipaay ni Presidente Ferdinand Marcos Jr. iti kanayonan a ₱3 billion a pondo para iti Department of Migrant Workers (DMW) tapno masigurado ti natalged a panagawid ken pagbiagan dagiti Overseas Filipino Workers (OFWs) a naapektaran iti riribuk idiay Middle East.
Segun kenni Executive Secretary Ralph Recto, mausar ti pondo iti sibubukel a proseso ti relief a pakairamanan ti pre-departure assistance, plete iti eroplano, ken programa para iti re-integration wenno mangabaruanan dagiti Pilipino iti pagilian.
Maibasar iti naudi a report, pakabuklan a 10,446 a Pilipino iti natalged a naiyawid babaen kadagiti humanitarian flights ti DMW, pakairamanan dagiti masakit nga inasikaso dagiti medical personnel iti eroplano.
Inbatad ni Recto a direktiba ti Presidente iti panangipaay ti tulong kadagiti OFW agingga iti panagawid kadagiti probinsiada.
Apaman a makasangpetda iti pagilian, makaawatda iti pinansial a tulong, psychosocial counseling, medical assessment, ken job search guidance.
Para iti pagbiagan, mangipaay iti Overseas Workers Welfare Administration (OWWA) ti pagpuonan nga agingga ₱20,000 para kadagiti kayat na ti agnegosyo.
Nangiyusuat metten iti DMW ti 15 job fairs iti intero a pagilian, idinto a nangitukon iti Department of Education (DepEd) iti napartak a proseso ti panangawat iti panagsubli dagiti lisensiado nga OFW a mannursuro tapno mangisuro kadagiti pampubliko a pagadalan.###
