Nakasangpeten sadiay Turkey ni US Secretary of State Marco Rubio tapno makiballaet iti Russia ken Ukraine.
Sakbay iti nakatuding a panangiduron iti ceasefire deal ket adda pay ti isayangkat nga informal meeting dagiti North Atlantic Treaty Organization (NATO) foreign ministers.
Mainayon iti dayta, nakatuding pay ni Rubio a makitaripnong kenni Syrian Foreign Minister Asaad Al-Shaibani.
Immuna metten a kinuna ni Ukrainian President Volodymyr Zelensky nga agturong laeng daitoy idiay Turkey nu adda ti kasiguraduanen a dumar-ay met ni Russian President Vladimir Putin.
Maipalagip nga itantandudo ti Estados Unidos ti ceasefire deal tapno agleppasen ti nasurok tallo tawen a giyera ti nagbaetan ti Ukraine ken Russia.
