Tinakawan ken pinatay pay dagiti nagbalin a pasahero ti maysa a Transport Network Vehicle Service (TNVS) driver idi Mayo 18, kalpasan a pinick up na dagitoy iti maysa nga establishimento idiay Parañaque.
Binigbig dagiti otoridad iti driver a ni Raymond Cabrera ken maibasar iti naala nga audio ti dashcam ti lugan ket mangeg pay iti panakabagsu-bagsol na.
Naala met ti National Bureau of Investigation (NBI) iti CCTV footage a mangipakpakita iti dua a suspek a bimmaba iti takaw a lugan idiay Valenzuela iti kamaleman ti Mayo 18.
Kabayatanna, napalaos iti ladingit ti asawa ti biktima gapo iti napasamak iti mister na, a segun kenukuana ket patas a lumablaban iti biyag ken saan a manggungundaway iti padana a tao.
Iti agdama, saan pay a nabirukan iti bangkay ni Cabrera.
Segun iti anakna, tarigagay ti pamilyada a mabirokan daytoy tapno maipaayan ti nasayaat a panakaitabon.
Nangidiaya da metten ti P100,000 a pabuya para kadagiti siasinoman a makaipaay ti impormasyon maipanggep kadagiti suspek.
Sangwen dagiti suspek iti kaso a carnapping ken robbery with homicide.#
