BR LA UNION – Nagturong idiay Paris, France ni Vice President Sara Duterte sakbay nga ag-deretso idiay The Hague, Netherlands.
Kinablaawan isuna dagiti supporters ti pamilya manipud France ken kaarruba daytoy a pagilian.
Dinar-ayan pay ti Bise Presidente iti panagtitipon dagiti supporters idiay Trocadero, France sumagmamano a metro ti kaadayu na manipud iti sikat nga Eiffel Tower.
Imbinglay ti Vice President dagiti kauddian a pasamak iti ama na a ni sigud a Presidente Rodrigo Duterte a nakabalud ita idiay International Criminal Court.
Maipalagip a dinipensaan ni Duterte iti dillaw a masansan ti panag-biyahe na iti sabali a pagilian ket imbaga na a bukod na a gastos daytoy, a saan ketdi a gobyerno.
