Nangrugin dagiti serye ti panagtataripnong a dinar-ayan dagiti naduma-duma a lider, sakbay iti nakatuding a panaglukat ti maika-49 a summit ti Association of Southeast Asian Nations (ASEAN).
Idi kalman, November 14, naluktan iti ASEAN Ministers Meeting a dinar-ayan dagiti sekretaryo wenno ministers ti Foreign Affairs.
Napasarunwan daytoy ti ASEAN Economic Community Council Meeting nga indaulwan ni Trade and Industry Secretary Ma. Cristina Roque.
Iti isyu ti investment ken panagpuonan, naluktan metten ti ASEAN Business and Investment Summit (ABIS) nga indaulwan mismo ni Presidente Ferdinand Marcos Jr.
Malaksid kadagiti nadakamat a panagtataripnong, sumagmamano pay a Ministerial and Council Sessions iti nalukatan idi kalman, Sabado.
Pakaibilangan ditoy iti 32nd ASEAN Political-Security Community (APSC) Council Meeting ken 39th ASEAN Coordinating Council (ACC) Meeting
Dagitoy ket agpapada a preparatory meetings para iti pormal a panagrugi ti summit ita nga aldaw, November 15 ken agpaut agingga Martes, November 17.
