Natakuatan ti maysa a German Researcher a ni Christoph Heilig ti Ludwig Maximilian University of Munich a mabalin a maallilaw dagiti GPT models ti OpenAI tapno ikkan ti nangato a marka dagiti “nonsense” wenno pseudo-literary a teksto.
Iti eksperimento ni Heilig, sinukimatna ti AI babaen ti nadumaduma a bersion ti maysa a simple a teksto ken iti agangay ket inaramidna a komplikado ngem awanan ti nalawag a kaipapanan.
Nupay kasta, agtultuloy a makaaw-awat ti nangato a rating dagiti nasao a teksto manipud ti AI.
Natakuatan met nga iti panangnayon ti “nonsense” a sarita ket mabalin a makaapektar iti panagsukimat ti AI iti maysa nga argumento.
Inpakdaar ni Heilig a mabalin a maipasa ti kastoy a bias kadagiti sumaruno nga AI systems, kangrunaan no AI ti mausar tapno sukimaten ti padana nga AI.
Segun met kenni Henry Shevlin ti Leverhulme Centre for the Future of Intelligence, mabalin daytoy a mangigubuay ti peggada kadagiti proseso a kurang ti human oversight kas iti AI-based academic review.###
