Binabalaw ni Mamamayang Liberal Party-list Rep. Leila de Lima ni Bise Presidente Sara Duterte gapo iti panagulimek na iti panang-harass iti China kadagiti mangngalap a Pilipino ken panag-agum iti teritoryo ti pagilian.
Manipud iti post na ti X, sigud a Twitter, kinuna ni De Lima a makapadanag iti panangawat iti maysa a kompanya a konektado kenni Bise Presidente ken ti asawa na nga aggatad iti P319M manipud ti sumagmamano a state-owned enterprises ti China.
Kabayatanna, iti maysa a press conference ti Office of the Vice President anniversary kickoff, kinuwestyon met ni Duterte nu iti panagnegosyo kadwa iti China ket maibilang kas pangta iti nasyonal a seguridad.
Segun iti Bise Presidente, agpegpeggad iti Pilipinas nga agbalin kas “troublemaker of Southeast Asia.”
